काठमाडौं,भारतिय प्रधानमन्त्रीले लद्दाख पुगेर दिएको हौसला एवम् सैनिक सम्मानले मोदी कोरोनाको चापमा पनि राष्ट्र सुरक्षा एवम् अन्तरसम्बन्ध स्थापित गर्न चुकेका छैनन् भन्ने प्रस्ट हुन्छ तर हाम्रा सरकारवाला कठपुतली भएर सिमा सुरक्षा, जनतासँगको आत्मियता, कोरोना रोकथाम तथा व्यवस्थापनका साथै प्रेरणाको स्रोत बन्नबाट चुकेको प्रश्ट हुन्छ साथै नेपाली राजनेताहरुको क्षमता र त्यसतर्फको लगाव पनि प्रस्टिन्छ । नेपलको तर्फबाट पठाइएका सिमावार्ताका पत्रहरुको व्यवास्था गर्दै अाफ्ना कुटनैतिक कार्य र वैदेशिक वार्तामा नचुकेको भारतले नेपाललाई अपहेलना गरेको जनताको ठम्याइ छ ।राजतन्त्र अन्त्य गर्ने देखि लिएर नेपाली संविधान प्रति अाफ्नो हैकम जमाउँन खोज्ने भारत सरकार हिजोका दिनहरूमा सरह पार्टी बिथोल्न त लागेको हैन ?इतिहास फर्केर हेर्यो भने पक्कै हो भन्ने आशय निम्तन्छ ।भारतिय मिडियाहरुको अभिव्यक्तिले भारतीय जनतामा फैलाइरहेको उग्र राष्ट्रभाव तथा अभिव्यक्तिबाट जनतामा पनि एकअर्काप्रति दिनप्रतिदिन नकारात्मकता फैलिरहेको युट्युब तथा सोसल मिडियाका बिरोधाभाषी अभिव्यक्तिहरुले प्रस्ट पार्छन् ।नेपाल सरकारको उच्चपदस्थ व्यक्तिहरु राजनीतिक खिचातानी एवम् स्व-स्वार्थमा केन्द्रित हुँदा राष्ट्रिय सिमा सुरक्षा दिनप्रतिदिन दलदलमा अग्रसर भइरहेको प्रस्टिन्छ ।नेपाली सेनासँग अाधुनिक हातहतियार नहुनु र राजनीतिक पदहरु सम्हाल्ने व्यक्तिहरु थप उचाइमा पुग्न भारतिय राजनीतिक दलहरुसँग झुक्ने परिपाटीले भारत नेपालप्रति अन्तर्राष्ट्रिय नितिविपरित जादापनि कुनै असर देखिदैँन ।हामी आत्मसम्मानका कुरा तथा इतिहासको भरमा आफ्नो पहिचान दिन खोज्ने चलनले अाफ्नो क्षमतामा लात हान्दै वैदेशिक सरसामान तथा सेवा प्रयोग गर्छौ जसको फलस्वरूप भारतलाई समस्या निम्तिएमा निर्यात तथा आयातमा रोक लगाइ झुकाउन सक्ने नेपालको अन्तरिम संविधान जारि गर्दै देखिएको सजिलो तथा सबैले भोगेको उदाहरण हो ।कुर्सीकै लागि चलिरहेको राजनीति वैदेशिक रुपमा नचल्नुले नेपाल छिटै क्यारेमको गोटी बन्ने प्रस्ट छ।आत्मनिर्भरका सपना साचेर स्वदेशी उत्पादन प्रति तिरस्कारको भावले विदेशी सरसामान र सेवा प्रयोगले उत्पादक केही बन्द त केही बन्द गर्नुपर्ने स्थितिमा अडेका छन् जसले सिर्जनात्मकतामा पनि कमी ल्याएको छ त्यसैले नेपाली हुनुमा गर्भगर्ने भए स्वदेशी प्रडक्ट प्रयोग तथा वैदेशिक सरसामान विस्थापन गर्ने देखि लिएर हरेक नागरिक आफ्नो क्षेत्रबाट हालको स्वार्थीपन छाडेर पुर्खाले अपनाएको समाजसेवा, राष्ट्र सम्मान तथा मानवताको कदर गर्दै स्थानीय स्तरबाटै राष्ट्र निर्माण गर्ने सरकारको मात्रै भुमिका हो भन्ने मानसिकता परिवर्तन गरि अग्रसर बनौँ ।
 |
| -बिनोद खनाल |
